|
巴甲進入最後直路，其中兩支爭標分子高士路同聖保羅聽朝將會齊齊出動，唔使講肯定以三分為目標，當中聖保羅主場對住有後防大將尼格迪打柴紐迪高，預期仲可以輕鬆贏兩粒或以上，呢個1.9倍「讓球主勝」咪錯過！（開賽時間：周五早上7:30）
冕冠軍聖保羅今季初曾經大落後，但隨住穩定表現，依家唔經唔覺已經殺入前五，仲有機會爭標。聖保羅今季最大爭分本錢就係主場，得勝率高達七成一，另外佢目前巴甲射入四十六球，冠絕所有球隊。雖然隊長兼門將羅渣里奧今仗因傷好大機會繼續缺陣，不過後備門將保斯高近兩場打正選表現好穩定，加上聖保羅自從換上由安迪戴亞斯、洛迪高及美蘭達合作扼守後防後，最近六場聯賽只係失兩球波，聖保羅依家可謂有前有後。
紐迪高防守力減弱
至於紐迪高方面，呢班波一向以防守見稱，不過隨住後防大將尼格迪足踝受傷要抖三周後，最近三場聯賽只得一和兩負，加上紐迪高今季作客只得一成五勝率，睇怕呢場輸兩球都係最低消費。
同時間高士路會主場對伊帕汀加，高士路暫時排第三，為爭標，呢場肯定唔會手軟，何況佢今季主場得勝率高達七成一。反觀伊帕汀加近期表現的確有好轉，但只限主場，一作客就腳軟，唔講唔知，原來佢依家係巴甲唯一作客不勝球隊，當中仲有七場賽事輸兩粒或以上，呢場唔捧「讓球主勝」真係對唔住自己。（開賽時間：周五早上7:30）
|
