上周日因天雨改期的甲組足球大戰—天水圍飛馬假元朗大陂頭主場迎擊南華，將於今晚八時補賽，上演獨腳戲，由於路途遙遠兼挑燈夜戰，想親身見證這個歷史性時刻，各位球迷記得抓緊時間提早出發！
天水圍飛馬今季以甲組新軍姿態空降本地球壇，但其實成班波都熟口熟面，皆因過半數為南華借將，當中鄭少偉及楊正光更為一線球星。開季至今，飛馬雖僅得一勝三負成績平平，不過其具娛樂性踢法就贏盡口碑，今晚在元朗「地頭」出擊，大批主力倒戈迎戰少林兵，噱頭十足。
過去兩年以「搞Show」手法搞足球的南華，除沿用豪華包裝外，球隊「內涵」亦大幅提升，�☆^「清高輝」廖俊輝走馬上任即領軍取得兩連捷，九球淨勝屯門普高還創下今季入球紀錄，上仗兩球擊敗內地球會謝菲聯，當時球隊踢出一段水銀瀉地攻勢，也是「擁南躉」一直期待的悅目足球。

飛馬科夫奧利華拉停賽

飛馬今仗縱有主場之利，可是門將奧利華拉及後��科夫停賽，影響兵源調動，反觀南華則可繼續用上場贏波陣容出擊，單箭頭T史高斯，左右輔鋒陳肇麒、麥士維，中場雙核心蒙迪路、歐陽耀�菇M織攻勢，好睇之餘又夠效率。
元朗大陂頭球場對上一次甲組賽事，已是八五至八六年俠士贏精工一比○之役，超過二十年後再上演甲組波，成為當地盛事。至於周日原定作雙料娛樂的淦源對公民，將另覓賽期舉行，持周日門券人士可繼續來捧場，如想退票，則可向足總查詢。

啦啦隊醒獅表演助興

另外，贏得「第一屆香港啦啦隊公開賽」全場總冠軍的元朗體育會啦啦隊體操代表隊，將「踩場助慶」為「飛南大戰」擔任中場表演，至於「香港陳嘉輝龍獅團」則於開賽前作醒獅表演，屆時一眾嘉賓將主持點睛儀式，鑼鼓震天，場面加倍熱鬧。