|
今晚歐國盃終極一戰除決定冠軍誰屬，亦會決定邊個球員可以到今屆賽事神射手，以四球領先西班牙前鋒韋拿受傷，無法決賽上陣，以三球緊隨其後德國前鋒普多斯基自然成為最大挑戰者。呢位上季拜仁慕尼黑失寵「王子」賽前發表豪言壯語，深信自己可以決賽獨取兩球趕過韋拿，勇奪金靴獎並帶領德國奪標。
今屆歐國盃神射手之爭相當激烈，原本西班牙韋拿及德國普多斯基賽事初段係威係勢，頭兩場分組賽分別已攻入四球及三球，但跟住賽事兩人都一直交白卷。除普多斯基外，目前射手榜上有四個球員射入三球，但辛杜克、柏夫里約真高及哈根耶堅均已被淘汰，只剩番普多斯基仍有機會決賽亮相，衝擊神射手獎項。
踢左中場無礙爭士哥
有指因為德國進入淘汰賽階段後改踢四二三一陣式，因而令到被安排踢左中場普多斯基要參與更多防守工作，失去埋門機會，普多斯基並不認同：「雖然踢左中場，不過我仍然可以『攝』入中路射波，對一個射手講，只要睇到龍門就有能力入波，位置安排唔係一個交白卷藉口。」
韋拿、普多斯基金靴獎機會高，但有幾個射入兩球決賽球員亦有機會問鼎神射手，包括德國波歷克、高路斯及舒韋恩史迪加，另外西班牙亦有後備殺手古爾沙亦有兩球進帳，所以今場每一個入波唔只影響邊隊冠軍，對個人榮譽同樣造成決定性影響。
普多斯基
入球：3
神射手賠率：6倍
古爾沙
賠率：25倍
舒韋恩史迪加
賠率：80倍（其他）
高路斯
賠率：20倍
波歷克
賠率：30倍
|
